МЕН БИЛГЕН АКАДЕМИК АБЛАБЕК АСАНКАНОВ АГАЙЫМ

Аннотация

Биз окуган 1980-1985-жылдары КМУнун (азыркы КУУ) Тарых факультети өтө күчтүү жана таасирлүү факультеттердин бири эле. Мугалимдер да күчтүү болчу. Улуу муундагы профессорлордон А. Хасанов, А. Чукубаев, Б. Чокушев, С. Аттокуров, орто муундагы профессор-доцент агайлардан З. Эралиев, М. Оморов, Ж. Бактыгулов, М. Омуркулов, Ж. Момбекова, М. Исабекова, А. Рыскулов, Т. Мырзабеков, А. Мокеев, К. Искенова, Ж. Жакыпбеков, Т. Жоробеков, Т. Кененсариев жана башка мыкты агай-эжекелер эмгектенчү. Ал эми жаш агай-эжекелерден Т. Өмүрбеков, Ж. Исраилов, Ч. Жакыпова, Т. Чороев, Т. Машрапов, А. Асанканов жана башка мыкты агай-эжекелер эмгектенчү. Алардын ар биринин өзгөчөлүктөрү, таасирленчү өрнөктүү жактары бар эле. Ар бири тууралуу узак сөз кылууга болот. Алардын арасынан ал кездеги жаш окутуучу, учурдагы көрүнүктүү окумуштуу, Академик Аблабек Асанканов агайыбыз тууралуу сөз кылмакчыбыз.